Бизнеспен айналысу үшін кәмелеттік жасқа толу міндетті ме?

Балам кәмелеттік жасқа толған жоқ, жасы 16-да. Әліне қарамай «бизнеспен айналысамын» деп қояды. Біреулердің алдауына еріп кетіп, бірдемеге ұрынып қала ма деп қауіптенемін. Балалардың еңбек етуі заңдастырылған ба?
Айжамал БӘЙІШЕВА, Алматы
ҚР Азаматтық кодексінің 22-бабында жасы 14-тен 18-ге дейінгі кәмелеттік жасқа толмағандардың әрекет қабілеттілігі реттестірілген. Олар мәмілелерді ата-аналарының, асырап алушыларының немесе қор­ғаншыларының келісімімен жасайды. Мұндай келісімнің ны­саны заңдарда кәмелетке тол­ма­ған­дар жасайтын мәміле үшін бел­гіленген нысанға сай келуге тиіс.   14 жас­тан бастап кәмелетке тол­ма­ған­дар өздерінің табысына, шә­кірт­ақы­сына, өзге де кірістеріне және өздері жасаған санаткерлік меншік құқығы объектілеріне өз бетінше билік етуге, сондай-ақ тұрмыстық ұсақ мәмілелер жасауға құқылы. Сіз кәмелетке толмаған бала­ңыз­дың немен шұғылданып жүргенін білуіңіз керек. Себебі ол басқаға зиян келтірсе немесе өзі шығынға батып жатса, сіздің төлеуіңізге тура келеді. Өзіңіз айтқандай, біреу­лердің алдауына түсіп, ересектер оны қылмысқа итермелегендей жағ­дайлар болса оның жауабы ҚР Қыл­мыстық кодексінің тиісті ба­бын­да қаралған.