Бюджеттік қызметкерлер үй алуға кезекке тұру үшін не істеуі керек?

Халықтың табысы аз әлеуметтік әлсіз тобына жататын азаматтар, бюджеттік ұйым қызметкерлері, мемлекеттік қызметшілер т.б. «Қолжетімді тұрғын үй-2020» бағдарламасы бойынша үйге кезекке тұру үшін тіркеулері бойынша аудандық ХҚКО-ға құжаттарын өткізуі керек екен. Осыны толықтырып айтып бересіздер ме? Мемлекеттік бағдарламамен тұрғын үйге кезекке тұру үшін қандай құжаттар өткізу керек, оның жолдары қалай?
Назгүл Арынова, Алматы қаласы
Халықтың табысы аз әлеуметтік әлсіз тобына жататын азаматтар, бюджеттік ұйым қызметкерлері, мемлекеттік қызмет­кер­лердің мемлекеттік тұрғын үй қорынан үй алуына мүмкіндіктері бар. Олар тиісті құжат­тарын өткізіп, үй алуға кезекке тұруы­на болады. Ол жергілікті жерлердегі халық­қа қызмет көрсету орталықтары (ХҚКО) арқы­лы жүзеге асады. Бұл бойынша ХҚКО-ға өткізетін құжаттардың бекітілген тізбесі бар. Үйге мұқтаж азамат, ең бірінші, Алматы қаласында тіркеуге тұруы тиіс, одан кейін бес жыл бойы оның атында ешқандай жыл­жымайтын мүлкі болмауы керек. Егер осы бес жыл ішінде оның атында үй немесе жер болатын болса болмаса оны қасақана сат­са, онда ол үй алуға құжаттарын өткізе ал­майды. Сондай-ақ, мысалы, ол Алматы қала­­сында тіркеуде тұрып, Алматы облы­сын­да жері, үйі болатын болса, оның да құжаты қабылдан­байды. Себебі көрсетілген заң бойынша, үйге мұқтаж азаматтың жыл­жымайтын мүлкі бес жыл бойы Қазақстан аумағында болмауы тиіс. Онымен қоса, жанұясының барлығы Алматыдағы бір мекенжайда тіркелуі керек. Қалған керекті құжаттар: жұмыс орнынан анықтама, бух­галтериядан табысы жөнінде анықтама, еңбек кітапшасының көшірмесі, жанұясы­ның барлығының туу туралы куәлігі әрі ерлі-зайыптының жеке куәлігі міндетті түрде қажет.