«Біржан-Сара» – ресейлік режиссер көзімен

Астанада «Біржан-Сара» операсын ресейлік режиссер сахналамақшы екен. Аталған қойылым туралы толығырақ мәлімет берсеңіздер.
Айман, студент
Еліміздің Мәдениет және ақпарат министрлігінің баспасөз қыз­метінен хабарлағандай, қазақ­тың көрнекті композиторы Мұқан Төлебаевтың 100 жылдығына орай алдағы 8 қарашада «Астана Опера» театрында композитордың үздік шығар­ма­ла­рының бірі – «Бiржан-Сара» операсы Ресейдің еңбек сіңір­ген әртісі Юрий Алек­сандровтың қойылымында ұсынылады.
Ресейлік режиссер қойылым тура­лы өз ойымен бөлісе келе, «музыкалық театрда мен кісі өлімін мүлдем мойындамаймын, менің ойымша, бұл жерде басқа өлім, сол себепті кісі өлімі өмірде, театр сыртында қала берсін. Біз қойылым соңын өзгертіп, Біржанды өмірге әкелеміз, себебі мен өнерді өлтіруге болмайды деп есептеймін. Біз бір өзгеріс енгіздік: екінші акт кезіндегі Біржан мен Сараның бір-біріне ғашық екені анықталатын дуэтті соңына қойдық», – дейді.
Операның жаңа музыкалық редак­циясының авторы – Абзал Мұ­хит­динов. Басты партияларды орын­дайтындар: опера сахнасының жұл­дыздары Қазақстан және Татарстан Республикаларының Халық әртісі Нұржамал Үсенбаева және Ресейдің еңбек сіңірген әртісі Ахмет Ағади.
Алтынайдың рөлінде – белгілі опера әншісі Дина Хамзина, Естай­дың партиясын Бейімбет Таңарықов ойнайды.