Бидайдың тұқымын сатып алу бағасы қанша?

Егін егу науқаны таяу тұр. Осыған орай сұрайын дегенім, 3-сұрыпты бидай тұқымын сатып алу бағасының өскені жөніндегі ақпарат рас па? Бұл жөнінде қайдан мәлімет алуға болады?
Мейрам ЖАНАЙҰЛЫ, кәсіпкер
Жоқ, 3-сұрыпты бидай тұқымын сатып алу бағамы өскен жоқ. Экономиканы жаңғырту жөніндегі мемлекеттік комиссия­ның шешіміне сәйкес, «Азық-түлік корпорациясы» АҚ 3-сұрып­ты бидайдың тұқымын емес, тауарлық бидайдың сатып алу баға­сын тоннасына 16 500 теңгеден 21 000 теңгеге дейін арттырды.
Бұған дейін экономиканы жаңғырту жөніндегі комиссияның шешіміне сәйкес, Азық-түлік корпорациясы 2012 жылғы жи­нал­ған бидайдан жалпы көлемі 3 млн тоннаға дейін әр тоннасын 16 мың 500 теңгеден қосымша сатып алуды жүзеге асы­рып келген болатын. Ал Азық-түлік корпорациясы осы баға­ны белгілегенде өткен жылдың қараша айындағы алғаш­қы онкүн­дікте ішкі нарықтағы бидай бағасы 14 000-15 000 теңгенің шамасында еді. «Мемкомиссияның шешімі өз нәти­жесін берді. Өйт­кені астық трейдерлерінің бағаны одан төмен түсіруіне жол берілмеді. Сөйтіп, ішкі нарықта баға тұрақталды. Кейіннен астық трейдерлері өздерінің бидайды сатып алу бағасын 18 000-19 000-ға дейін көтеруге мәжбүр болды. Осы­лайша 2012 жылдың қарашасынан бері бидайдың тоннасына сатып алу бағасы 40 000-50 000 теңгеге дейін көтерілді» дейді мамандар. Осыған орай, жоғарыдағы жағдайды қаперге ала отырып, ас­тық шаруашылығын қолдау және бағаны реттеу мақсатында эко­номиканы жаңғырту жөніндегі мемлекеттік комиссия шеші­мімен шаруалардан сатып алынатын бидайдың тоннасы 16 500 теңгеден 21 000 теңгеге дейін көтеріліп отыр. Ал бұл 3-сұрыпты бидайдың тұқымын сатып алу бағамы өскен жоқ...