Бейнелеу ежелгі өнер түрі ме?

Әдетте, бейнелеу өнерін жазу-сызудан да бұрын пайда бол­ған деп жатады. Демек ол өнердің ең көне жанры болғаны ғой?
Айша РЫМҒАЛИ, Талдықорған қаласы
Қай заманда да адамға сурет салған ұнайтын. Бұдан мыңдаған жылдар бұрын алғашқы қауымдық құрылыс суретшілері жабайы жа­нуар­ларды, өздерінің аң аулау сәтін суретпен бейнелеген, сөйтіп, өзде­рін қоршаған әлемді түсіндіруге жә­не көргендерін қайталап кескін­деуге тырысқан. Демек, бейнелеу өнерінің ең ежелгі өнер түрі екендігі даусыз.
Алғашқы қауымдық құрылыс адамдары суретті үңгірлердің, ал египеттіктер мазарлардың қабыр­ғасына салған. Орта ғасырлар дәуірінде фреска живописі мен кітап безендіру өнері дамыды. Суретшілер әрдайым өздеріне не ұнаса, соның суретін салды. Біреу­лер табиғатты, енді біреулер адам­дарды, келесілері жануарлар мен хайуанаттарды кескіндеуге көшті. Осылайша, бейнелеу өнерінің жанр­лары пайда болды.