Баланы мектепке дейінгі ұйымға беру үшін қандай құжаттар қажет?

Мектепке дейінгі балалар ұйымдарына жіберу үшін мектепке дейінгі (7 жасқа дейін) жастағы балаларды кезекке қою үшін қандай құжаттар тапсыру керек?
Жансұлу Дәкежанова, Алматы облысы
Қажетті құжаттар: 1) ата-аналар­дың (анасы немесе әкесі) немесе заңдық өкілдіктердің біреуінің жеке басын куәландыратын құжат; 2) ба­ланың туу туралы куәлігі; 3) жеңілдікті растайтын құжат (ол болған жағдай­да мектепке дейінгі балалар ұйымына бірінші кезекте жолдама алуға); 4) психолого-медико-педагогикалық комис­сияның қорытын­дысы (мүм­кіндігі шектеулі балаларға арналған мектепке дейінгі түзету ұйымы мен топтарға бөлген кезде); 5) жиі және ұзақ ауыратын балаларды ерте анықталған туберкулез жұқпасы бар, туберкулездің аз және басылған түрі бар балаларға арналған мектепке дейінгі санаторийлік түзету ұйым­да­рына бөлу кезіндегі аумақ­тық емдеу-профилактикалық ұйым­дар­дың қорытындысы. Құжаттардың түпнұс­қасы және көшірмесі бірге ұсыны­лады, кейін түпнұсқа тұтыну­шы­ға қай­тарыла­ды.
Айта кету керек, бірінші кезекте орын алуға құқылылар: І және ІІ топ­тағы мү­гедек балалар; ата-ананың қамқорынсыз қалған балалар; жетім балалар;
көпбалалы отбасындағы балалар; соғысқа қатысушылар мен соғыс мү­гедектеріне берілетін жеңілдіктер мен кепілдіктерге жатқызылатын тұл­ғалардың балалары.