Балабақша мұғаліміне жалақы қалай төленеді?

Мен балабақшада компьютерлік сауаттылыққа үйретуші болып қызмет етемін. Апталық жүктеме – 24 сағат. Маған еңбекақы жүктеме бойынша төлене ме, әлде тәуліктік 8 сағат бойынша ма?
Мәдина МАМЫРҚЫЗЫ, Ақтөбе облысы
Сарапшы маманның мәліметінше, аза­мат­тық  қызметшілерге еңбекақы төлеу «Аза­мат­тық қыз­метшілерге, мемлекеттік бюджет қа­ра­жаты есебі­нен ұсталатын ұйымдардың қыз­меткер­леріне, қазы­налық кәсіпорындар­дың қызметкерлеріне ең­бекақы төлеу жүйесі ту­ралы»  ҚР Үкіметінің 2007 жылғы 29 жел­тоқ­­сандағы №1400  қаулы­сымен реттеледі.
Қаулының 3-тармағына сәйкес, ұйымдар қыз­­меткерлерінің лауазымдық жалақылары (став­­калары) (ЛЖ) атқаратын лауазымда­ры­ның ла­уа­зым­дар санаттарына жатқызылуына және ма­­ман­дығы бойынша жұмыс өтіліне, таға­йын­дал­ған біліктілік разрядтарына (жұ­мыс­шылар үшін) қарай лауазымдық жала­қы­ларын (ставка­ла­рын) есептеу үшін бекітілген тиісті коэффи­циент­терді ҚР Үкіметі белгілеген ба­залық лау­а­зым­дық жалақының (БЛЖ) мөл­шеріне көбейту жо­лымен айқындалады.
Қаулымен бекітілген Азаматтық қыз­мет­шілер­дің (білікті жұмысшыларды қоспағанда) са­на­ттар бо­йынша лауазымдарының тізілі­мі­не сәйкес, білік­тілігі жоғары деңгейдегі мұға­лім­­дерге еңбекақы төлеу  G-9, біліктілігі орта дең­гейдегі G-11 санаты бо­йынша жүргізіле­ді. 
Сізге жалақы мұғалім ретінде біліктілік бо­йын­ша төленеді.