Бағланова – әлем әйелдері энциклопедиясына енген тұңғыш қазақ қызы

Бұрын Who is Who энциклопедиясының шешімімен «Әлемнің әйгілі әйелдері» атағы беріліп тұратынын еститін едік. Сондай атаққа қазақ қыздарынан кімдер ие болған?
Арман, Павлодар облысы
Who is Who («Кімнің кім екені») атты энциклопедия бүгінде әлемнің барлық елінде шығарылады. Бір кез­дері ол мәртебесі жөнінен қазіргі Forbes-пен тең болды. Ағылшын-аме­рикан бірлескен жобасының әлем әйелдері туралы шығарылы­мы­ның ең алғашқы санына қазақ қыз­дары ара­сы­нан тұңғыш болып әйгілі әнші, опера жұлдызы, КСРО Халық әртісі, Қазақ­стан­ның Халық Қаһар­маны Роза Бағ­ланованың есімі енгі­зілді. Бұл – ол кезең үшін екінің біріне беріл­мейтін бақ. Ақпарат құралдары әлемнің әйгілі әйелдері қатарына музыкатанушы ғалым, өнертану ғылымының док­торы, ұлт­тық операны зерттеуші Сара Күзем­баеваның да қосылғанын жазады.