Азаматтық-құқықтық келісімшарт деген не?

Жұмысшы азаматтық-құқықтық келісімшарт бойынша қызметке алынғанда Еңбек кодексі бойынша құқық талап ете ала ма? Еңбек кодексі кез келген салада, кез келген келісімшарт түрі бойынша жұмыс істейтін еңбеккердің құқығын қорғауға негіз бола ма?
Байменше Мұратбеков, Қарағанды облысы
ҚР Әділет министрлігі маман­дарының мәліметінше, азаматтық-құқықтық келісімшарт – негізінен, ҚР Азаматтық кодексі бойынша реттеле­тін азаматтық-еңбек қатынастарының кепілі. Мұндай келісімшарт түрі ҚР Еңбек кодексі талаптарымен реттел­мейтіндіктен, жұмысшы ол заңда көр­сетілген артықшылықтарды талап ете алмайды. Айталық, еңбек өтілі есепке алынбайды, жұмысшының ақылы еңбек демалысына, еңбекке жарам­сыздығы бойынша демалысқа шы­ғуы­на және жұмыс берушіден қандай бір өтемақы талап етуіне құқы бол­майды.