Азаматтық бюджет дегеніміз не?

Қазірде «азаматтық бюджет жасақтау керек» дегенді жиі естіп қаламын. Осы азаматтық бюджет дегеніміз не? Осыны тарқатып жазсаңыздар.
Дана Сұлтанова, студент
Қазірде ел бюджетінің қоғамға түсінікті форматта жария етілуі жиі талап етіліп жүр. Мысалы, бүгінде Салық комитеті мүдделі ұйымдардан түсетін салық түсімдері туралы деректерді жариялап отыр. Осы ақпарат салықтық құпия болып табылмайды. Осы тәрізді бюджеттің ашықтығы турасында халық­аралық тәжірибеде азаматтық бюд­жет тәсілі бар. Азаматтық бюджет – бұл қаржы саласында маман емес азаматтар үшін еліміздің бюджетін жалпылама түсінікті етіп сипаттау. Осыған орай жуырда Қаржы министрлігінің сайтында қоғам үшін Азаматтық бюджет бөлімі ашылды (https://www.minfin.kz/index.php?uin=1296618470 &lang=kaz). Қа­зірде министр­лік сайттағы Азаматтық бюд­жет бөлімі­не есеп түрінде емес, негізінен, халыққа түсінікті үлгідегі бюд­жеттің орындалуы туралы ақпараттарды да орналастыруды бастады. Бұл үрдіс қоғам үшін түсінікті әрі пайдалы болады деп сенім артуға болады.