Авангардшылдық қандай ағым?

Мен соңғы кездері авангардшылдық деген терминді көп естимін. Бірақ мәніне аса түсіне алмай жүрмін. Бұл сурет өнеріне қатысты айтылатын термин бе? Аражігін ажыратып, мағынасын түсіндіріп беріңіздерші.
Шынар, Алматы қаласы
Авангардшылдық, авангардизм (франц. Avant және garde – алғы шептегілер) – қалып­тасқан қағидалар мен дәстүрден, тіпті шынайы өмір шындығынан да алшақтай оты­рып, көркемөнер мен әдебиетті жаңғыртпақ болған өнер адамдарын топтастырған ағым. Авангар­дизм негізінен Батыс Еуропада пайда болып, ХХ ғасырдың 10-20 жылдары өнер мен әде­биет­те толық қалыптасты. Ол терминді өнерта­нуда алғаш рет ғылыми айналымға енгізген француз көркемөнер сыншысы Т.Дюр болды. Бұл ағымның қалыптасқан мектеп пен бағыт­тардан басты өзгешелігі – өнерді өмірден айы­рып қарап, оның әлеуметтік маңызын жоққа шығару, өнердің ерекше эстетикалық табиға­тын бөлектеп қарау. Реализмді теріске шығару­шылардың бәрі өздерін «авангард­шы­лар» қата­рындамыз деп есептейді. Бұл термин өнер­дің барлық түрінде кездеседі. Сәулет өнері мен бейнелеу өнерінде бұл авангард стилі ерекше дамығаны рас. 60-70 жылдары бұл бағыт өнер сыншылары тарапынан қатты сын­ға ұшырады. Бірақ өнердің барлық түрінде көрініс тапқан көркемдік бағыт ретінде өрке­ниет тарихында өз орнын алған көрініс болып қалды.