Ауылға маман тарту – басты мақсат

Шалғай жатқан кейбір ауылдарымызда маман тапшылығының бар екені рас. Осы орайда ауылға тартылып жатқан мамандарға қандай жеңілдіктер қарастырылуда?
Алма РАХМЕТОВА, Талдықорған
Мемлекет басшысы 2008 жылғы 24 жел­тоқ­санда «Қазақстан Республикасының кейбір заңнамалық актілеріне ауылдық елді мекен­дер­дің әлеуметтік сала қызметкерлерін әлеу­меттік қолдау және ынталандыру мәселелері бойынша өзгертулер мен толықтырулар енгізу туралы» Қазақстан Республикасының №111-ІV Заңына қол қойды. Онда ауылда жұмыс жа­сау­ға және тұруға келген денсаулық сақтау, білім беру, әлеуметтік қамсыздандыру, мәдениет пен спорт мамандарын әлеуметтік қолдаудың кепіл­ден­дірілген шаралар топтамасын ұсыну көзделген. Бұл Заң 2009 жылғы 1 қаңтардан бас­тап күшіне енді. Осыған орай, 2009 жылғы 18 ақпанда Қазақстан Республикасының Үкіметі әлеуметтік қолдау шараларын ұсыну ережелерін реттейтін №183 қаулы қабылдады. Онда 2009 жылғы 1 шілдеден бастап берілетін 70 АЕК мөлшерінде біржолғы көтерме жәр­демақы және 2010 жылғы 1 қаңтардан бастап беріле бастайтын же­ңіл­дікті бюджеттік несие түрінде жылдық 0,01 пайыздық өсіммен 15 жыл мерзімге 630 АЕК мөлшерінде тұрғын үй сатып алуға әлеумет­тік қолдау көрсету қарастырылған.