Ауылдық жерден қосылатын 25 пайыз төлемақы кімдерге тиісті?

Мен мемлекеттік коммуналдық қазынашылық кәсіпорында инспектор болып жұмыс істеймін. Шілде айында ауылдық жерден қосылатын 25 пайыз төлемақы «мамандар бақылаушысына негізсіз қосылған» деген бұйрық шығарылды. Сонымен қатар «осы уақытқа дейін төленіп келген 25 пайыз бюджетке қайтарылсын» деген бұйрық шықты. Осы бұйрық қаншалықты заңға сәйкес келеді?
Қанат Әбілмәжитов, Оңтүстік Қазақстан облысы

ҚР Еңбек кодексінің 238-бабы 2-тар­мағына сәйкес, ауылдық (селолық) жерде жұмыс iстейтiн денсаулық сақтау, әлеуметтiк қамсыздандыру, бiлiм беру, мәдениет және спорт саласының аза­маттық қызметшiлерiне, егер Қазақстан Республикасының заңдарында өзгеше белгiленбесе, жергiлiктi өкiлдi орган­дардың шешiмi бойынша бюджет қара­жаты есебiнен қызметтiң осы түрле­рiмен қалалық жағдайда ай­налысатын азаматтық қызметшiлердiң жалақы­ларымен және ставкалармен салыс­ты­р­­ғанда кемiнде 25 пайызға жоғары лауазымдық жалақылар мен тарифтiк ставкалар бел­гiленедi.
Ауылдық (селолық) жерде жұмыс iстейтiн денсау­лық сақтау, әлеуметтiк қамсыздандыру, бiлiм беру, мәдениет және спорт мамандары лауазым­да­ры­ның тiзбесiн жергiлiктi өкiлдi ор­ганмен келiсiм бойынша жергiлiктi атқарушы орган айқындайды.
Сондай-ақ бұл норма «Агроөнер­кәсіптік кешенді және ауылдық аумақ­тарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Заңында көз­делген.
Осыған орай, республикалық бю­д­­жеттен қар­жыландырылатын және ауылдық елді мекендерде ор­наласқан мемлекеттік ұйымдарда жұ­мыс істейтін денсаулық сақтау, білім беру, әлеумет­тік қамсыздан­дыру, мә­дениет және спорт мамандарына қыз­меттің осы түрлерімен қалалық жағ­дайда айна­лысатын ма­ман­дардың айлық-­ а­қы­ларымен және тарифтік ста­в­ка­ла­ры­мен салыстырғанда кемінде 25 пай­ыз жоғары айлы­қақы­лар мен тарифтік став­­калар бел­гіленеді.
Сонымен қатар ауылдық елді ме­кен­дерде орна­ласқан мемлекеттік ұйымдарда жұмыс істейтін өзге сала қызметкерлерінің мамандары лауа­зым­дарына қатысты жоғарыда атал­ған жоғарылатылған айлы­қақы­лар мен та­риф­тік ставкалар белгіленбей­ді.