Ауруханаға мәжбүрлеп жатқызу үшін не істеу керек?

Көршіміздің баласының ақыл-есі кем. Кейде үйдегі кішкентай балаларды ұрып-соғады екен, көршіміз баласын ауруханаға мәжбүрлеп жатқызғысы келеді. Ол үшін алдымен сотқа арыздануым керек пе деп сұрайды.
Талғат ТІЛЕГЕНОВ, Алматы қаласы
Сізге ең алдымен тұрғылықты мекен­жайыңыз бойынша прокуратура органына хабарласқан жөн. Өйткені ҚР Азаматтық іс жүргізу кодексінің 309, 310 және 311-бап­тарына сәйкес, азаматты ауруха­наға мәж­бүр­леп жатқызу үшін психиатриялық ме­ке­ме орналасқан жердегі сотқа прокурор арыз беруі керек. Психиатриялық стацио­нарға мәжбүр­леу тәртібімен жатқызу үшін арызға психиатр дәрі­герлер комиссиясы­ның дәлел­ді қорытындысы қоса тіркеледі. Бұл қоры­тын­ды шығарылған кезден 72 сағаттан ар­тық уақыт өтіп кеткен болса, арыз қа­нағат­тандырылмайды. Арыз сотта іс қозғалған кезден бастап бес күн ішінде қаралады. Егер пси­хиат­риялық мекеме өкілінен алынған мәліметтер бойынша ол адамның психи­калық хал-жайы сот оты­рысына жеке қаты­суға мүмкіндік беретін болса (тиісті меке­мемен расталған анық­тама негізінде), нау­қас азаматтың өзін ауру­ханаға мәжбүрлеп жат­қызу туралы іс бойынша сот отырысына қатысуға құқығы бар.