Асыраушысынан айырылған балаға жәрдемақы қанша жасқа дейін беріледі?

Менің бір інім бар. Ол қазір жоғары оқу орнында оқиды. Анамыз ерте қайтыс болған. Інім әлеуметтік жәрдемақы алады. Бұл жәрдемақыны оның қанша жасқа дейін алуға құқы бар?
Құралай СЕЙСЕНҚЫЗЫ, Талдықорған қаласы
Еліміздің «Қазақстан Республикасында мүгедектігі бойынша, асыраушысынан айы­рылу жағдайы бойынша және жасына бай­ланысты берілетін мемлекеттік әлеуметтік жәр­демақылар туралы» Заңына сәйкес асы­рау­шысынан айырылу жағдайы бойынша мем­лекеттік әлеуметтік жәрдемақыны алуға асы­раушысы қайтыс болған отбасының ең­бек­ке жарамсыз, оның асырауында болған мү­шелерінің құқығы бар. Сонымен бірге, 18 жас­тан асқан білім алушы азаматтарға асы­раушысынан айырылу жағдайы бойынша 23 жасқа дейін жәрдемақы беріледі. Бұл мем­лекеттік әлеуметтік жәрдемақының мөл­шері отбасының еңбекке жарамсыз мү­шелерінің санына байланысты есептеліп, рес­публикалық бюджет туралы заңмен бекі­тілетін ең төменгі күнкөріс деңгейі мөл­шерінен анықталады.