Астана қаласындағы білім ордалары туралы

Мен келесі жылы мектеп бітірген соң Астана қаласындағы жоғары оқу орындарының не колледждердің бірінде оқысам деген жоспарым бар. Сол себепті Астана қаласындағы білім ордалары жайында мағлұмат берсеңіздер екен. Ондағы жоғары оқу орындары мен колледждер саны қанша?
Дәурен, Шығыс Қазақстан облысы
Қалалық Статистика департаментінің astana.kz сайтына берген мәліметі бо­йын­ша, елордада 15 жылда барлық бағыттар мен салаларда қарқынды өсу байқалады. Осы 15 жылда қала халқының саны да өсіп, барлық әлеуметтік нысандардың өркен­деуіне ықпал етті. Әсіресе білім көрсеткіш­тері едәуір өзгеріп, жоғарылады. 15 жылда білім берудің барлық сатыларында оқу­шылар саны 2,4 есе артқан.
Астана қаласында 2012-2013 оқу жы­лында 37 колледж бен кәсіптік-техникалық мек­теп жұмыс істеген. Оқушылардың жал­пы саны 31 219 адам болды. 1997-1998 оқу жы­лымен салыстырғанда колледж бен кәсіптік-техникалық мектеп саны 2,2 есеге, ал оқу­шылар саны 3,4 есеге ұлғайған.
2012-2013 оқу жылында қалада 14 жо­ға­ры оқу орны жұмыс істесе, олардың 3-еуі – мемлекеттік, 11-і – жекеменшік. 48 606 сту­дент оқумен қамтылған.
2012-2013 оқу жылы оқушылар саны 1998-1999 оқу жылымен салыстырғанда 2,9 есе өскен.
Елордада жыл сайын орта арнаулы бі­лім бойынша түлектер санының артқаны бай­қалады. 2012 жылы колледждер мен кәсі­би-техникалық мектептердің дипломын ие­ленген түлектердің саны 9357 адам бо­лып, 1997-1998 оқу жылымен салыстыр­ған­да екі есе өсіп отыр.
Маман түлектер саны 2012-2013 оқу жылының басында қала бойынша 9983 адам болған. Олардың ішінде 987 түлек жоғары арнаулы білім, 8996-сы бакалавр­дың академиялық дәрежесін алды.
2012-2013 оқу жылындағы түлектер саны 1998-1999 оқу жылымен салыстыр­ған­да 3,8 есеге артып, соған сәйкес білім алу­шылар көрсеткіші де 2,8 есе жоғары­лады.