Армиясы жоқ елдер

АҚШ, Қытай, Ресей секілді Қарулы Күштері қуатты елдердің бары белгілі. Ал қай елдердің армиясы жоқ?
Жандархан, Талғар
Рим-католик шіркеуінің ре­зи­­­ден­циясы орналасқан Ват­и­кан­да ар­мия деген атымен жоқ. Дегенмен Римнің аума­ғын­дағы Ва­тиканның қа­уіп­сіз­дігіне Ита­лия әскері жауап бе­ре­ді. Ал Ита­лияның 300 мың­дай әс­кері жә­не 50 мың адам­дық теңіз фло­ты бар. 1968 жылы тәуел­сіз­дігін жа­рия еткен Тынық мұ­хит­тағы Нау­ру мем­лекеті Қа­рулы Күш­терден ада. 14 мың ға­на халқы бар елді кім қор­ғай­ды дейсіз ғой, ол – Австралия. На­у­ру мен кенгурулер елі әс­ке­ри қол­дау көрсету туралы бей­ресми ке­­лісім жасасқан. 1940 жы­лы Гер­­мания Науруға ша­буыл жа­саған кез­де Австралия әс­кері арал­ды не­міс­терден қорғауға кі­ріскен. Шағын ел Лих­­тен­штейн­нің шетіне жау ти­­се қор­ғайтын әскері жоқ. Қор­­ған­сыз Мар­шалл аралдары мен Гре­нада, Палау елдері АҚШ-тың ерікті қауым­дас­ты­ғына ен­ген­діктен, олар Сэм ағай­дың әс­керінің қам­қорлы­ғын­да. Ан­дор­ра деген кішкентай ел­ге еш­кім тиісе алмайды, се­бе­бі бұл елдің қауіпсіздігін Фран­ция, Ис­пания және НАТО күш­тері өз мой­нына алған. Жа­ңа Зе­лан­дия­ға арқа сүйейтін Са­моа, Авс­тралияға сенім арт­қан Со­ло­мон аралдары алаңсыз күн ке­шіп жатыр. 1947 жылғы аме­­ри­калық келісімге сәйкес, Кос­­та-Риканы АҚШ, Чили, Куба әс­­керлері қорғайды.