Арапа мен Тәурия Құрбан айтпен қатар тойланады

Дініміз исламда Құрбан айт кірместен бұрынғы бір-екі күннің де маңызды­лы­­ғы бар екенін білемін. Бірақ ол күндері қандай амалдар жасау міндеттелген?
Қали БЕРІКБОЛ, Сарыағаш
Құрбан айттан бір күн бұрынғы күн – Арапа күні, оның алдындағы күн Тәурия күні деп аталады. Биыл Тәурия күні – 14 қараша, 2010 (8 зүлхиджа), Ара­па күні –15 қараша, 2010 (9 зүлхиджа), Құрбан айт­тың бірінші күні –16 қараша, 2010 (10 зүлхиджа). Тә­у­рия күні қажылар Меккеден Минаға барады. Тә­у­рия деп аталуының сыры қажылардың ол күні зә­м­зәм суын ішіп қануларында. Тәурия «ойлану» де­ген мағынаға да келеді. Ибраһим пайғамбар зүлхиджа айының 8-түні түсінде өз баласын сой­ға­лы жатқанын көреді. Таң атқаннан кейін түс Ал­ладан ба, шайтаннан ба деген ойға шомады. Ара­­па түнінде өзіне «бұйы­рыл­ған нәрсені орында» деп бұйрық келгенде, Алладан екенін біледі. Осы­дан келіп ол күн «білу» деген мағынаны беретін «ара­­фа» сөзімен аталды. Арапа – зүлхиджаның 9-күні. Басқа күн ара­па деп аталмайды. Хадис шә­риф­терде: «Бір мұ­сылман Тәурия күні ораза тұтса жә­­не күнә сөз сөй­лемесе, Аллаһу та’ала оны, әлбет­те, жұмаққа апа­ра­ды», – делінеді. Жалпы, бұл қос күн­­де ораза ұстау – үлкен сауапты ғибадат. Сондай-ақ «Арапа күні 1000 рет Ықылас сүресін оқыған адам­­ның барлық кү­н­әлары кешіріледі және дұғасы қа­­был болады» (Әбуш­шәйһ) (барлығын бисмилләһпен оқу керек).