Ақысыз демалысты одан әрі жалғастыруыма бола ма?

Мен бала күтіміне байланысты үшінші жыл ақысыз демалыста отырмын. Қараша айының соңында демалыс уақыты аяқталады. Осы орайда менің білгім келгені, ақысыз демалысты одан әрі жалғастыруыма бола ма?
Райгүл Ниетқазина, Шығыс Қазақстан облысы
Жоқ, себебі ҚР Еңбек кодексінің 195-бабына сәйкес жұмыс беруші қыз­меткерге бала үш жасқа толғанға дейін баланың күтіміне байланысты жалақы сақталмайтын демалысты ғана беруге міндетті. Ал Кодекстің 111-бабына сәйкес қызметкердің өтініші негізінде оған жалақы сақ­тал­май­тын демалыс еңбек шарты тара­п­та­рының келісімі бойынша берілуі мүм­кін деп көрсетілген. Бұл бап бой­ын­­ша жұмыс беруші жұмыскерге жал­­ақы сақталмайтын күнтізбелік бес күн­­ге дейінгі демалысты беруге мін­детті жағдайларға: неке тіркеу, бала туу, жа­қын туыстарының қайтыс бо­луы жағ­дай­лары жатады. Осы орайда бала үш жасқа толғанға дейін баланың кү­тіміне байланысты жалақы сақ­тал­май­­тын демалысыңыз аяқталысымен, жал­ақы сақталмайтын демалысқа сіз жұмыс беруші келісім берген жағ­дай­да ғана шыға аласыз. Бұл ретте, жал­ақы сақ­тал­майтын демалыстың ұзақ­ты­­ғы қыз­меткер мен жұмыс берушінің ара­­сын­да­ғы келісім бойынша бел­гі­ле­неді.