Ақшамен самаурын қайнатқандар кімдер?

Самаурын қазақ жеріне қашан келген? Қазақта, расында, ақшамен самаурын қайнатқан бай болған ба?
Нұржан СЕРАЛИН, Орал қаласы
Тарихи деректерге сүйенсек, самау­рын ең алдымен Ресейге І Петр пат­ша­ның алдыртуымен келген екен. 1746 жылы Гол­ландияға барып, кеме жасау ісін көріп келген патша сол сапарынан өзімен бірге еліне самаурынды ала қайтса керек. Араға 20 жыл салып Ресейде алғашқы самаурын фабрикасы іске қосылған. Ал қазаққа ол ХІХ ға­сыр­да келгенге ұқсайды. Әуелде самау­рынды қолы жеткен байдың байы ғана сатып ала алған, бір деректер­де сол тұста қазақ даласында сиыр 1 рубльге бағаланса, жез самаурын 25 рубль тұрған. Сондықтан 25 сиыр тұра­тын мұндай ыдыс біразға дейін қазақ даласында байлықтың белгісіндей саналып келген. Ал енді қазақта ақшамен самаурын қайнатқан байдың бол­ғаны рас. Қызылжар өңірін мекендеген Қос­шығұл байдың қарағандылық сау­дагерлермен бәстесіп, сол самаурынды ақша­мен, яғни тек ақша жағып шай қай­натқаны жайындағы аңыз-әңгіме аталған өлкеде әлі күнге жырдай айтылады.