Амбидекстрлер деп кімдерді айтады?

Оң қолымен де, сол қолымен де жазу жаза алатын, домбыра тарта алатын адамдарды қалай атайды?
Мақсат Зайнуллин, Ақмола облысы
Адамның екі қолы функциясының туабітті немесе жүре бара тең дәрежеде дамуы және оң мен сол қолдың қимылды бірдей жылдамдықпен, бірдей нәти­жемен орындау мүмкіндігі амбидекстрия деп аталады. Бір қолына басымдық бер­мейтін, екіжақты ыңғайы бар адамдарды амби­декстрлар дейді. Мұндай адам­дардың  миы­ның екі жарты шары да тең дамыған. Леонардо да Винчи, Михаил Ломоносов, Никола Тесла сияқты ғалымдар мен Рин­го Старр, Пол Ма­ккартни, Мирей Матье, Джими Хендрикс, Том Арайа, Тилль Линдеманн, Святослав Вакарчук және басқа да музыканттарда осы ерекшелік бар. Негізінен, рок-музыканттар амби­декстр келеді. Оң мен солы бірдей дамы­ған адам деп, Ресей Президенті Владимир Путинді де айтады. Амби­декстрияға қарама-қарсы құбылыс, яғни бір ың­ғайлылық амби­синистрия де­лінеді.