Алыс жолға арналған дәрі-дәрмектер қандай?

Ұшаққа мінсем, көлікпен алыс жол жүрсем құсқым келеді. Жол үстінде жүрек айнуын басатын дәрі-дәрмектер бар дейді. Солар жөнінде мәлімет берсеңіздер.
Сәуле Бейсенова, Алматы қаласы
Жол жүргенде жүрек айнып, бас­тың айналуы «теңіз ауруы» немесе кинотез деп аталады. Мұн­дай ауру халықтың басым көп­шілігінде кез­деседі. «Теңіз ауруын» емдегеннен гөрі оның алдын алған дұрыс. Жол жүрген адамның әлсіреп, құсуына қарсы қолда­нылатын дәрі-дәрмектер бар. Олардың кең тарағандары – авиомарин, бонин, кинедрил. Бұл дәрілерді димедрол және супрастин сияқты антигистаминді препараттар алмастыра алады. Тілдің астына ва­лидол түйірін салу да пайдалы. Гоме­опатия әдісімен емделушілерге авиа-теңіз немесе вертигохель пре­параттарын пайдалануға болады.