Алтын ерлерге зиян ба?

Дініміз исламда «ерлерге жібектен киім кию мен алтын тағу харам етілген» дейді. Жарайды, жібекті кимеуге болар, ал алтынды тіпті тіс салдыруға да қолдануға болмай ма?
Дархан Серікбекұлы, Атырау қаласы
Бұл сұраққа Қазақстан мұсылмандары діни бас­­қар­­ма­сы­ның діни уағыз, насихат бөлімінің мең­герушісі Қайрат Жол­дыбайұлы былай жауап береді:
– Ер адам­дарға тек көлемі төрт саусақтың ара­сын­дай ғана табиғи та­за жібекке және сонымен қа­тар егер ол таза жібектің өзі емес, қосындысы болса, рұқ­сат етеді. Ал алтынды ерлерге ха­рам ет­кен себебі, бі­ріншіден, жыл­тырақ әшекей зат­та­ры әйел баласына тән, екін­шіден, ондай қым­бат металды де­неге тағып жү­ру ысырап пенен мақ­тан­құмарлыққа алып ба­рады. Ал­тынды қолдануға рұқ­сат етілетін бірді-екілі жағ­дай бар, оның бірі – егер ол медициналық тұрғыда аса зә­­­ру болса. Мә­селен,  пайғамбарымыздың (с.ғ.с.) ке­­зінде бір кісінің мұрны жарақаттанып, оны ашып жү­­ру мүм­кін бол­май қалыпты. Ал жарақатты жауып тұ­ру үшін мұрынды ші­рітпейтін металмен қаптау ке­рек бо­ла­ды. Әлгі кісінің жағ­да­йына қаныққаннан ке­йін ба­рып пайғамбарымыз оған рұқ­сат берген екен.  Қа­­зіргі кезде ғалымдарымыз алтынның ер адам­дар­­дың гормондарына кері әсерін тигізіп, ұрықты әл­сі­ре­те­тін жағдайды анықтап отыр.