Алматыдағы қазақ мектептерінің саны қанша?

Алматы үлкен әрі көп ұлтты қала ғой. Оңтүстік астанада бүгінде қанша қазақ мектебі бар? Қазақша оқитын балалар қанша?
Жадыра Иманбаева, Алматы қаласы
Алматы қаласы әкімдігі маманда­рының мәліметінше, Тәуелсіздік жылда­рында қалада қазақ мектептерінің саны артты. 90-жылдары мұндай мектептер­дің саны небәрі жетеу болған, ал қазіргі мезгілде қазақ мектептері 50-ге көбейіп отыр. 2015 жылға қарай мемлекеттік тілдегі орта білім шаңырақтары 64-ке жетпек. Қазақ тілінде білім алып жатқан оқушылардың қатары – 70 мыңдай. Олар­­­дың арасында 1500-і – өзге ұлт өкілдерінің балалары. Кәсіптік лицейлер мен колледждерде қазақша білім ала­тын 31 мың жас бар. Ал қазақ тіліндегі бала­бақшаларға 20 мың сәби барады. Ал­ма­ты қаласында барлығы 561 білім беру мекемесі болса, оның 40-тан аста­мы егемендіктің 20 жылы ішінде ашылған.