Алматыда – ережесіз төбелес

Алматыда ережесіз төбелестен бір турнир өтеді деп естідім. Егер, шынымен-ақ, осындай жекпе-жектер ұйымдастырылатын болса, билетін қайдан алуға болады және кімдер келеді екен?
Қабылбек Соқыбеков, Өскемен қаласы
Мұндай ақпараттан біз де құлағ­дар­мыз. Сіздің сұрағыңыздың нақты жауа­бын білу үшін ұйымдастырушылардың бірі  – Елмұрат Қайыпжановпен хабарласып, төмендегідей жауап алдық:
– Иә, ережесіз төбелестен бірнеше жек­­пе-жек ұйымдастырайын деп отыр­мыз. 26 сәуір күні Алматыдағы Респуб­лика сарайында өткізбекпіз. Бұл «Панк­ратионнан халықаралық жекпе-жектер» деп аталады. Онда ТМД және Еуразия чемпионы деген атақ сарапқа салынады. Көрермендер сегіз жұптағы төбелесті тама­шалай алады. Біздің жігіттер Ресей мен Қыр­ғызстан спортшылары­мен айқасады. Сондай-ақ бұл кештің басты ерекшелігі қазақи нақышта өткізілуінде болмақ. Шар­шы алаңға жігіттер ақ боз атқа мініп, ұлт­тық киімімізді киіп шығады. Бұл жекпе-жектер­ді ұйымдастырушылардың бірі – ере­жесіз төбелестен әлем чемпионы Ар­дақ Назаров. Құрметті қонақ ретінде Олег Тохтаровты, Константин Цзюді және Федор Емельянконы шақырып отырмыз. Билеттер Республика сарайының касса­сында сатылу­да. Билет құны – әртүрлі, жалпы, бес мыңнан жоғары.