Алюминий татын қалай кетіруге болады?
Үйде металдан жасалған ыдыс-аяқтарды жиі қолданамын. Кейде қажетті дүниелердің таттанғанын көресің. Мұндай жағдайда оларды лақтырып тастауға қимаймын. Мен, әсіресе, алюминийден жасалған заттарды көп пайдаланамын. Сондықтан сұрайын дегенім, алюминий таттарын қолдан қалай кетіруге болады?
Мағрипа ДӨНЕНҚЫЗЫ, Алматы қаласы
Металл бұйымдарын тазалау үшін фланель, шұға сияқты шүберекке оны тазалауға арналған препараттардың бірін алып, онымен металл бетін ысқылап, жылы сумен жуады да құрғақ шүберекпен құрғата сүртеді. Алюминийден жасалған заттарды жууға құрамында ас содасы бар не каустикалық сода жоқ жууға арналған препараттарды пайдалануға болады. Алюминийден жасалған бұйымдар қолдана келе таттана бастайды. Оның татын да оңай кетіруге болады. Ол үшін 15 г бура, 5 г мүсәтір спиртін және 0,5 г жылы суға араластырып ерітіндімен ысқылап сүртеді. Бураның улы болатынын есте сақтаған жөн. Демек, мұндай сулы ерітіндімен ыдыс-аяқты жумаған жақсы, ал оны пайдалана қалған жағдайда таза сумен бірнеше рет шаю керек.
