Алимент бойынша борышкерлер тізімін қайдан көруге болады?

Алимент жөнінен борышкерлердің тізімі ғаламторда жарияланады деп естіген едім. Соны қай жерден көруге болады? Борышкерлердің ел аумағынан шығуына тыйым салынатыны рас па?
Рафхат Егембердиев, Алматы облысы
ҚР Әділет министрлігі мамандарының мәлі­ме­тін­­ше, алимент бойынша борышкер азаматтардан атқару өндірісі негізінде алимент өндіру мүмкін бол­маған кезде борыш­кер­лердің республика ау­мағынан шығуына тыйым са­лынатыны рас. Биыл еліміз бойынша 1309 бо­рыш­керге ел аумағынан шығуға шектеу қойылған. Жылдың басынан бері алимент өндіруге байла­ныс­ты 189 733 атқару құ­жа­ты орындауда болған. 400-ден астам борыш­кер­дің мүлкіне тыйым са­лы­­нып, 266 азамат әкім­ші­лік, тағы 428 бо­рыш­кер қыл­мыстық жа­уап­керші­лікке тартыл­ды. Іздеуде жүрген 61 бо­рыш­кер анықталып отыр. Алимент бойынша және басқа да себептермен бо­рышкер деп танылып, шет­ел­ге шығуына тыйым са­­лынған азаматтар тізімін Әділет министрлігінің ресми интернет-ресур­сынан http://kisa.adilet.gov.kz  сілтемесі бойынша қарауға болады.