Әлемде тәуелсіздігі танылмаған қанша ел бар?

Әлемде 200-ден астам тәуелсіз ел бары мәлім. Ал әлемде тәуелсіздігі танылмаған мем­ле­кеттер туралы қысқаша білуге бола ма?
Ғани Нұрғалиев, Алматы облысы

Әлемдегі тәуелсіздігі танылмаған елдерді жіп­­ке тізетін болсақ, олардың саны тәуелсіз ел­дер­ден асып түсуі мүмкін. Тәуелсіздігі та­ныл­ма­ған елдерді халықаралық қауымдастық­та мүл­де танылмаған және ішінара танылған деп екіге жік­теуге болады. Мы­салы, посткеңестік ке­ңі­с­тік­тегі Молдовадағы Прид­нестровье, Таулы Қа­ра­бақ, Африка құрлы­ғын­­дағы Сомали тер­ри­то­рия­сын­дағы Сомали­ленд, Пунт­ленд, Галдумуг, Норт­ленд елдері, Пәкі­стан­дағы Ва­зи­ристан, Мьян­мадағы Шан және Ва ел­д­е­рі өз тә­уел­сіздігін мо­йын­дата алған жоқ. Кей­бір ел­дер­дің тәуелсіз­ді­гі әлем­дік қауымдастықтың бір бө­лі­гі­нің тара­пы­­нан мойындалды. Мысалы, Сахара араб де­мо­­кра­тиялық республикасын 49 ел, Палес­ти­наны 97 ел, Косовоны 60 ел, Тай­вань­ды 23 ел, Аб­ха­зия мен Оңтүстік Осетияны екі ел ға­на мо­йын­дап отыр.
Ал кейбір елдер өзара бір-бірінің тәуелсіздігін мо­­­йын­­­дамайды. Израиль мемлекетінің өзі көп­те­­­ген араб елдерінің тарапынан тәуелсіздігі та­ны­ла қой­ған жоқ. Сол сияқты Қытай Тайваньның, Че­­­хия мен Словакия Лихтеншейннің, ал Лих­тен­ше­йн Че­­хия мен Словакияның, КХДР Оңтүстік Ко­­рея­ның, Жа­по­нияның, Францияның, Оңтүстік Ко­­рея КХДР-дың тәуелсіздігін мойындай қойған жоқ.