Жалпы, әлемде қанша ел, мемлекет бар? Нақты анықтамалар бар ма?
Сәулет Ыдырысов, Шығыс Қазақстан облысы
Биылғы жылдың басында жасалған әлемнің саяси картасына 193 тәуелсіз мемлекеттің территориясы түскен екен. Бұл мемлекеттер халықаралық құқықтың толыққанды субъектілері болып табылады. Ал «дүниежүзі бойынша қанша ел бар?» деген сұрағыңызға нақты жауап жоқ. Себебі жер бетіндегі елдердің саны кейбір деректерде 250-ден аса деп көрсетілсе, енді бірінде 230 деп жазылған. Себебі белгілі бір халықтан құралған елдер көп, бірақ тәуелсіздігі басқа мемлекеттер тарапынан мойындалмаған. Мысалы, Абхазия, Оңтүстік Осетия, Косово, Таулы Қарабақ сияқты елдер өздерінің тәуелсіздігін жариялағанмен, Біріккен Ұлттар Ұйымына мүше мемлекеттердің басым көпшілігі мойындамаған. Тіпті Оңтүстік Осетия мен Абхазияның тәуелсіздігін Ресей мен Никарагуа ғана таныды. Ал мұндай елдер халықаралық саясаттың толыққанды субъектісі болып табылмайды.