Наурыздың 31-і күні Әзірбайжанда халықтың геноциді күні аталып өтеді. Бұл күн қаралы деп есептеледі. Білгім келетіні, әлемде әзірбайжан халқының саны қанша?
Жаннұр ЕСЕНҒАЗЫ, Алматы қаласы
Әзірбайжандар – Кавказ аймағындағы саны жөнінен ең көп түркітілді әрі мұсылман халық. Олар сан жағынан Иран мен Грузияда мемлекет құраушы халықтан кейінгі екінші орында. 2009 жылы жүргізілген санақ бойынша, Әзірбайжанның өзінде 8,2 млн әзірбайжан тұрады. Бұл – ел халқының 91,6%-ы. Ал күллі дүниежүзінде әзірбайжандардың саны 29 млн-нан асады. Олар әлгі аталған үш елден бөлек, Ресей, Түркия, Армения, Түрікменстан, Өзбекстан, Қазақстан, Израиль, Пәкістан, Украина, Беларусь, ТМД-ның басқа да елдерінде, тіпті Еуропа мен Америка құрлықтарында да шоғырланған. 1988 жылдан бері Әзірбайжанда ұлт геноциді күні аталып өтеді. Бұл күні 1918 жылы наурызда Баку аймағында болған оқиғалардың құрбандары еске алынады. Орыс-армян қарулы жасақтары мен әзірбайжан-мұсылман тарапы арасындағы ұлтаралық қақтығыстан 12 мыңға жуық әзірбайжан ұлтының өкілі қаза тапқан болатын.
Әлемде әзірбайжандардың саны қанша?
Последние статьи автора