Акулалар кіші балықтарды қалайша жеп қоймайды?

Жақында теледидардан шетел океанариумдарының бірі туралы берілген хабарды көріп қалдым. Таңғалғаным, алып акулалар ұсақ балықтармен бірге жүзіп жүр. Сонда акула оларды қалайша жеп қоймайды? Өйткені табиғатта солай ғой, яғни үлкен балықтар кіші балықтарды жеп қояды деуші еді...
Айдана БЕРІКЖАНҚЫЗЫ, Семей қаласы

Акуланың өзінің кіші «бауыр­ларын» жемеу себебі – оке­ана­риумда оларды жүйелі кестемен жақсы тамақ­тан­ды­рады. Мәселен, аку­ла­ларға күнделікті, кесімді бір уақытта жаңа сойылған, қаны әлі кеуіп үлгер­меген балық беріледі, әрине, келу­шілер көзінен тыс жағдайда. Сон­дықтан аку­ла­лар­дың өз көршілерін аңдитындай жөні жоқ. Биолог ма­ман­дардың бұл реттегі пікірі «жырт­қыш атаулының адамзат ба­ласынан бір айырмашылығы – олар шектен тыс қанқұмар емес. Қашан қатты ашық­қанша, өзара бей­біт жағ­дай­да қатар өмір сүре береді» дегенге саяды.