Ежелгі грек елінің тарихы, саясаты туралы айтылғанда аккламациялық сайлау деген түсініктер кездеседі. Жалпы, аккламация деген сөз қандай мағына береді?
«Аккламация» латын тілінен сөзбе сөз аударғанда «айғайлау» деген мағынаны береді. Демократияның отаны болып есептелетін ежелгі Грекияда халық жиыны, халықтық кеңестерде ортақ басшы сайлау кезінде қолданылған. Яғни үміткерлердің есімі ретімен аталады. Сол кезде халықтың дауысы қай үміткерді атағанда қаттырақ шығады. Сол жеңімпаз болып танылған. Яғни аккламация – демократияның ашық әрі айқын бір көріністерінің бірі. Кейіннен жасырын дауыс беру арқылы сайлау жүргізілетіндіктен, бұл ұғым қолданыстан шығып қалған.