«Айқұлақ» қандай ойын?

Бізде «айқұлақ» деген ежелден келе жатқан ойын бар деп естимін. Осының анық-қанығын жазсаңыздар екен?
Талапкер Иманбек, Өскемен қаласы
«Айқұлақ» – ұлттық ойын. Көбінесе көк­тем, жаз айларында ойналады. «Айқұлақ» ойнау үшін кешқұрым ел аяғы басылған соң, ауыл балалары жиналып, орталары­нан үш баланы шығарады. Олардың бірі – қасқыр, бірі – қойшы, бірі ит болады. Қас­қыр болатын баланың екі шекесіне екі та­қия­ны тікірейтіп, орамалмен маңдайын байлап, арқасына киім кешек тығып том­пай­тады. Қасқыр кейпіне келтірген соң ба­лаларға жуытпай анадай бір бұтаның таса­сына жасырады. Қойшы болатын ба­ланың үстіне жыртық шапан, басына жаман бөрік кигізіп, қолына таяқ ұстатып, ит болатын ба­ла­ны қасына ертіп, қойдың қасына жатқы­зады. Қалған балалар қой болады. Біраздан соң қойлар дүр етіп үр­кеді, сол уақытта ит абалап, қасқырмен арпалыса жөнеледі. Қойшы итін айтақтап, қойларын қорғаумен жүреді. Осылайша, ұлан-асыр шудың ара­сында қасқырға ұтым­ды қадамдар жасауға тура келеді. Қас­қыр қойға қайта-қайта ша­уып, оларды бір-бірлеп сүйреп кетіп, бәрін шең­берден шығарып, тауысады. Осылайша, ойын аяқ­талып, келесі ойын осы тәртіппен қайта жалғасады.