Әйелдерге мешітке бару міндет пе?

Жұма күндері мешітке барып тұрамын. Бес уақыт намаз оқымасам да, мешітке кіргенде дұғамды жасап, басымды сәждеге тигіземін. Алайда әркім әртүрлі ой айтады. Бірі әйелдерге мешітке баруға болмайды десе, екіншілері болады, онда тұрған ештеме жоқ дейді. Қайсысы дұрыс?
Айдана, Алматы қаласы

ҚМДБ-ның шариғат және пәтуа бө­лімінің қызметкері Серікжан Еншібай­ұлы­ның ай­туын­ша, исламда әйел адамның ме­шітке ба­рып намаз оқуына тыйым са­лынбаған. «Де­генмен үйде оқығаны аб­зал», – дейді ол.
— Өйткені Пайғамбарымыз (с.ғ.с.) ха­ди­­сін­де: «Әйелдердің мешітке баруына тыйым сал­маңдар. Бірақ үйінде оқығаны одан қа­йырлы (жақсы)», – деген. Тағы бір ха­дисте: «Әйелдердің ең ізгілері – мешіті үйі­­нің ішінде бол­ғаны», – деген. Осы ха­дис­тер­де ай­тыл­ғандай әйелдер намазды ме­шіт­ке барып оқы­са болады. Бірақ өз үйінде оқы­ғаны аб­зал. Ал намаз оқуға келген адам мешіт әде­бін сақтауы тиіс. Дүние сө­зін сөйлеп, әдепсіз әре­кет көрсетіп, орынға та­­ласуына бол­майды. Әрі мешіт Алланың үйі екендігін ес­тен шығармай, оны ба­рын­ша таза ұстау қа­жет, – дейді С.Ен­ші­бай­ұлы.