Аязды күндері сабақты тоқтатудың белгіленген өлшемі бар ма?

Кеше әлеуметтік желілерде аязға байланысты Астананың бір мектептерінде бастауыш сынып оқушылары үшін сабақ кейінге қалдырылғанын, ал кейбір мектептерде сабақ өткені талқыланды. Барлық мектептер үшін бірдей тәртіп неге енгізілмейді?
Жансая Нұрғожаева, Астана қаласы
Астана қаласы әкімдігінің ресми сайтының хабар­лауынша, елорданың білім беру меке­ме­лерінде сабақты кейінге қалдырудың өлшемдері белгіленген. Әр мектепте әрқалай тәртіп деген – бекер сөз. Мәселен, 1-4 сынып оқушылары үшін 25 градус аяз және күшті жел болғанда сабақ өткі­зілмейді. 30 градустық аяз кезінде 5-9 сыныптар үшін сабақ кейінге қалдырылады. Ал аяз 35 гра­дус­қа дейін күшейген кезде жоғарғы сынып оқу­шы­лары мен колледждердің 1-2 курс студент­терінің сабағы тоқтатылады. Қолайсыз ауа райына байланысты оқу процесінің уақытша тоқ­та­ты­латыны туралы хабарлама «31 арна», «СТВ», «Хабар», «Еуразия бірінші арнасы», «Қазақ­­стан» телеарналарынан ертерек беріледі. Сондай-ақ Астана әкімдігінің ресми сайтынан және 118, 169 байланыс желілерінен білуге болады. Өткізілмеген сабақтар қосымша сағаттар есебінен игеріледі.