Абайдың Ақылбайдан тараған ұрпағы бар ма?

Абай атамыздың тұңғышы Ақылбайдан ұрпақ қалды ма? Олардан өнерге жақыны қайсы?
Ералы ШЫҢҒЫС, Аягөз
Абайдан қалған ер ұрпақ та осы Ақыл­байдан тараған. Ақылбайдың Әлімқұл (1879-1914), Әубәкір (1881-1934), Исраил (1895-1959) дейтін үш ұлы болса, солардың ел тоқтаған кі­сіліктісі Әлімқұл екен. Әлімқұлдың болыс кандидаты болғаны, жүйрік аттар ұстағаны айтылады. Әлімқұлдан – Бағыфур, одан – Эрнест, Бауэр, Ай­дар. Айдардан – Да­нияр. Исраил ск­рип­ка, домбыраға шебер му­зыкант бол­ған. Өз әкесі Ақылбай мен Мұ­қа­лар­­дан естіп-үйренген қырыққа тарта қазақ, орыс күйлерін орындайтын. Олардың ішінде «Ала байрақ», «Бұлаң жігіт», «Кертолғау», «Бал­бырауын», «Саймақтың сары өзені», «Аза­мат қо­жа», «Бес төре» сынды қазақтың ха­лық күйлері бар. Абай әндері, орыс му­зы­ка­­сынан «Тоска по родине», «Осенняя мечта» деп өз естуінше атап тартатын күйлерден бас­қа, аттары есінде жоқ талай ән-күй орын­дай­тын. Исраилдың ар­тында қыздары бар.