«А» корпусы деген не?

Осы жаңа әкімшілік реформа аясында «А» корпусы құрылады деп естідік. «А» корпусы деген не?
Жәнібек, Алматы
«Қазақстан Республикасының кейбір заң­намалық актілеріне мемлекеттік қызмет мәсе­лелері бойынша өзгерістер мен толықтырулар енгізу туралы» заңының жобасы бойынша бас­қарушылық деңгейдегі мемлекеттік әкімшілік лауазымдар, яғни «А» басқарушы корпусын құру қарастырылған. Олар стратегиялық жоспарлау мен басқарушылық шешім қабылдау секілді қабілеттерге ие болады. «А» корпусы – Қазақстан Республикасының Президенті айқындайтын кадр резервіне іріктеу және конкурстық іріктеудің ерекше тәртібі, сондай-ақ арнайы біліктілік талаптары көзделген бас­қа­рушылық деңгейдегі мемлекеттік әкімшілік лауазымдар».
Мұндай тәжірибе АҚШ, Канада, Ұлы­бри­тания, Франция, Германия секілді әлемнің 30-дан астам дамыған елінде бар. Аталған елдерде осы лауазымдарға үміткерлерге арнайы іріктеу рәсімдері, арнайы оқу курстарынан өту талап­тары қарастырылған. «А» корпусына ірік­теу, резервке ұсыну жұмысымен Кадр саясаты жөнін­дегі ұлттық комиссия және өңірлік комис­сиялар құрылады деп жоспарланып отыр.