Маусымның 7-сі
Алаштың атаулы күні
• 1757 жылы Қазақ хандығы мен Цин патшалығы арасында Аякөз бітіміне қол қойылды. Бұл келісім жоңғар соғысынан кейінгі Абылай хан саясатының кезекті жеңісі болатын.
Туған күн иелері
Иран-Ғайып (Иранбек) Оразбаев (1947) – ақын, Мемлекеттік сыйлықтың лауреаты;
Руслан Тыңбаев (1951) – генерал-майор;
Айжан Нұрмағамбетова (1956) – әнші, Қазақстанның еңбек сіңірген әртісі;
Мұрат Баймұханбетов (1957) – Алматы қаласы бойынша Кедендік бақылау департаментінің бастығы, полковник;
Берік Имашев (1960) – Сенат депутаты, Сенаттың Заңнама және құқықтық мәселелер комитетінің төрағасы;
Жанболат Үмбетов (1961) – Қостанай облыстық тілдерді дамыту басқармасының бастығы;
Еркін Шаймағамбетов (1974) – Ұлттық ғарыш агенттігі төрағасының орынбасары;
Талғат Әбдікәрімов (1975) – «Ақтау халықаралық әуежайы» АҚ мемлекеттік сатып алу бойынша бастығы;
Нұргүл Мұқатай (1967) – Маңғыстау облысы бойынша Экономикалық қылмысқа және сыбайлас жемқорлыққа қарсы күрес департаментінің баспасөз хатшысы;
Медер Мәселов (1980) – «Астана – жаңа қала» арнайы экономикалық аймағы әкімшілігінің басшысы.
Мерейлі күндеріңіз мерекеге ұласып,
мәртебелеріңіз арта берсін!
«Алаш айнасы»
Белгілі есімнің белгісіз сыры:
ИРАН-ҒАЙЫП – қазақ халқында «иран бағы» деген ұғым бар. Иран – Эдем бағы, яғни жұмақ. Парсылар Эрам бағы деп айтады. Ғайып – арабтың «ғаэб» деген сөзінен (жоқ болып кету, көзден тасалану, тылсым) шыққан. Жаңа туған сәбиге екі дүниенің де бақытын көрсін, иман жүзді болсын деген ниетпен қойылады. ИРАН-ҒАЙЫП – мұсылман жамағатында өте сирек кездесетін есім.