«4-ті» «5-ке» өзгертуге бола ма?

Баламыздың болашақта «Алтын белгі» иегері атанғанын қалаймыз. Қазір 5-сыныпта. Алғашқы тоқсанда бір пәнді «4» деген бағамен тәмамдады. Мұндай бағаны кейін өзгертуге бола ма, мүмкін арнайы емтихан тапсыру қажет шығар?
Алтынай, Жамбыл облысы
ҚР Білім және ғылым министрлігі ма­ман­дарының түсіндіруінше, ҚР Үкі­метінің 2007 жылдың 21 желтоқса­нын­дағы №1253 қаулысына сәйкес, «Ал­тын белгі» орта және жалпы білім беру деңгейінің барлық пәні бойынша жыл­дық және қорытынды бағасы «5» бол­ған және бір­ыңғай ұлттық тестілеу­ден «өте жақсы» деген баға алған мек­теп түлегіне беріледі. Білім және ғылым министрлігінің 2008 жыл­дың 18 нау­рызындағы №125 бұйры­ғымен бекітіл­ген «Оқушылар­дың оқу үл­герімін бақы­лау мен аралық және қоры­тынды аттес­тацияны жүргі­зу­дің типтік ережелеріне» сәйкес, 5-11 сы­нып оқушы­ларының қо­ры­тынды баға­сы тоқсандық, жылдық және ем­ти­хан­дық бағалар негі­зінде қойылады. Тоқ­сандық, жартыжыл­дық, жылдық жә­не қорытынды бағалар­ды қайта қарауға рұқсат етілмейді.