18 жасқа толған соң мемлекеттік жәрдемақы төлеу тоқтап қалмай ма?

Біздің анамыз қайтыс болған. Қазір отбасымызда жалғыз әкеміз ғана жұмыс істейді. Інім колледждің күндізгі бөлімінде оқиды. Мамыр айында 18-ге толады. Осы орайда менің білгім келгені, інім 18-ге толған соң мемлекеттік жәрдемақы төлеу тоқтап қалмай ма?
Әсемгүл Әшірбекова, Ақмола облысы
«Қазақстан Республикасында мү­ге­дек­тігі бойынша, асыраушысынан айырылу жағдайы бойынша және жасына бай­ла­нысты берілетін мемлекеттік әлеуметтік жәр­демақылар туралы» Қазақстан Рес­публикасы Заңына (бұдан әрі – Заң) сәйкес, асыраушысынан айырылу жағ­дайы бойын­ша мемлекеттік әлеуметтік жәр­­дем­ақы­ны алуға асыраушысы қайтыс болған от­басының еңбекке жарамсыз, оның асы­рауында болған мүшелерінің құ­қығы бар. Сонымен бірге 18 жастан асқан білім алу­шы азаматтардың асы­рау­шы­сы­нан айы­ры­­лу жағдайы бойынша күндізгі оқу нысанындағы жалпы орта, техникалық және кәсіптік, орта білімнен кейінгі жүйе­де, жоғары білім беру жүйесінде оқу ор­нын бітіргенге дейін, бірақ 23 жастан ас­пай­тын шекте жәрдемақы алуға құқығы бар. Аталған заңға сәйкес, асыраушысынан айырылу жағдайы бойынша мемлекеттік әлеуметтік жәрдемақының мөлшері от­ба­сының еңбекке жарамсыз мүшелерінің са­нына байланысты тиісті жылға арналған рес­­публикалық бюджет туралы заңмен бе­кітілетін ең төменгі күнкөріс деңгейі (ЕТКД) мөлшерінен анықталады.