11 қыркүйек – тек АҚШ-та ғана атаулы күн емес

11 қыркүйек АҚШ-та қаралы күн болып есептеледі. Соған қарамастан осы күнді атаулы күн ретінде заңға енгізген деседі. Бұл қаншалықты шын?
Біржан Тілеухан, Алматы
Қыркүйек айының 11-і аме­рикалықтардың қара жа­мыл­ған күні болып тарихта қал­ды. Алайда 2002 жылдан бері бұл АҚШ-та Пат­риоттар күні деп атап өтіледі. Ал 2009 жылдан бері АҚШ-тың жалпы заңының 111-13-актісінде бекітілген­дей, Жал­пы­­ұлттық қызмет ету және еске алу күні болып та ата­лады. Сондай-ақ бұл күн – бұрыннан Украинада танкі жүргізушілері мен мұнай-газ саласы қыз­мет­керлерінің кәсіби мерекесі. Ал Испанияда Каталония күні. Оң­түстік Америкада орналасқан Чили елінде 1973 жылдан бері 11 қыркүйек әскери төңкеріс кү­ні ретінде аталып өтіледі.