1 мамыр қай елде қандай мейрам?

1 Мамыр дүние жүзіндегі мемлекеттердің көпшілігінде мерекелік күн екен. Өзге елдерде бұл қандай мейрам деп аталады?
Мереке АРЫСТАНБЕКОВА, Семей
Бір кездері КСРО-да және өзге де социалистік мемлекеттерде 1 Мамыр – еңбекшілер күні деп аталатын. Кейбір деректер сол кезде әлемдегі 142 мемлекетте 1 Мамыр – еңбекшілер күні ретінде тойлағанын көрсетеді. Қазіргі кезеңде барлық елде бірдей мереке деп айта алмаймыз. Мысалы, біздің елде «Қазақстан халықтары бірлігі күні» болса, Гавай аралдарында «Гавай биі күні», Кореяда «Будданың туған күні», АҚШ-та «Балалар денсаулығы және құқық күні» деп аталады. 1 мамыр Франция­да ландыш өсімдігі күні екен. Ресей бұл күні көктем және еңбек мерекесін тойлайды. Канада дәл осы күнді «суыр күні» дейді екен.