Шымкентте дүркіреп өткен үйлену тойындағы күйеужігіттің фотосуреттері желіге шықты. Rixos Khadisha Shymkent қонақүйінен түсірілген фотосуреттерді күйеужігіттің жақындары Instagram желісінде жариялады.
Instagram желісіндегі Қуаныш нигімен тіркелген желі қолданушысы аккаунтында:
«Бар жақсылықты тілеймін, брат! Шын жүректен құттықтаймын», - деп жазылған жазба жарияланды. Онда күйеужігіттің суреті жарияланған.
Сондай-ақ Тоғжан есімді желі қолданушысы да күйеужігітті атаулы мерекесімен құттықтаған.«Әр шараны Сейітжановтар отбасымен бірге атап өтеміз. Әміржан жаным, өз отбасыңды құруыңмен құттықтаймын, бақытты бол!", - деген ол.
Еске салсақ, осы жұмада Шымкентте дүркіреген той өтіп оған, даңқты боксшылар Геннадий Головкин мен Бейбіт Шүменов қатысып, шетелдік әншілер Джей Шон, Валерия, Дато, Доминик Джокер, Бандерос және тағы басқасы өнер көрсетті.
Айта кетер бір жайт, Rixos Khadisha Shymkent қонақүйіне белгілі бизнесмен, Форбс тізіміндегі миллионер Серікжан Сейітжанов иелік етеді.