Танымал әнші әрі композитор Ұлықпан Жолдасовтың ұлы Болат екінші рет шаңырақ көтерді. Бұл туралы әншінің қызы Фарида Жолдасова хабарлады, деп жазады KAZ.NUR.KZ.
Фарида ағасы мен жеңгесінің той төріндегі суретін бөлісіп: "Бақытты болыңдар!", - деп жазған. Белгілі болғандай, Болаттың таңдауы Алтынай есімді бойжеткен түскен. Кеше қыз ұзату тойы өтіп, Нұрлан Өнербаев құдаларды бастап апарды. Сондай-ақ ұзату тойында Айман Нұразхан да болған. "Алтынай келінімізбен 2022 жылдың күзінде танысып, көңілімнен шыққан болатын. Аллаға шүкір, осы күнге жеткенімізге", - деп жазды Айман. Айта кетелік, Болат Жолдасов осыдан бірнеше жыл бұрын үйленіп, кейін жұбайлар ажырасып кеткен болатын.