Динара Болат:"Бүкіл сұмдық надан еркектерден!"

Әкем мені “красавицам”, “қара көзім менің” деп өсірген. Әкем солай еркелеткен сайын айнаға жүгіріп барып, сол сөзге сеніп, одан сайын әдемі болуға тырысатын едім. Әр қыз баласы солай. Айнамен дос. Айна мен әйел баласының арасындағы нәзік байланыс. Әдемі өзіңді көріп сүйсіну, кішкентай әжіміңді көріп толғану, хош иісті әтір сеуіп қуану, жылап тұрып қызыл помаданы жағып алып мықты болуға өзіңе серт беру, жастығыңды, сұлулығыңды сақтау үшін өмір бойы косметикаға қырғын ақша жұмсау.
⠀
Бәрі бекер. Бұрынғы күйеуімен пышақталған Айнагүлдің енді айнаға қарауы мұң. Қанша қиналып жүрсе де айнаға қарап, еңсесін тіктеп қызметіне аттанатын Айнагүлдің сенімі. Айнагүлдей сұлу анасына қарап сүйсініп, әдемі болуға талпынып жүрген 10 жасар қызының үміті. Бақытты болуға тырысып жүрген ананың жігері, анасының жылы жүзімен байланысты қызының үміті, қуанышы барлығы топас әкенің пышағының жүзінде кетті. Жиіркенішті. Ұлдарға бағыт көрсете алмайтын, “қой” демейтін әкесі, көкесі, ақсақалы, ағасы, досы, тілшісі, блогері жоқ қоғам жиіркенішті.
⠀Коронавирустан елімізде бүгінге дейін 5 адам көз жұмды. Қорқынышты ма? Ал өткен жылы елімізде 400 әйел күйеуімен пышақталып, қылғындырылып, жан тапсырғанша тепкіленіп о дүниелік болды. Ауруын жасырған өледі. Әйелдің құқығы қорғалмай біз ешқашан ел болмаймыз. Әйелдің бақытсыздығымен бірге елге қанша кесел келетінін білсек: бақытсыз ұрпақ, қылмыскер, маньяк, бір жынысты қатынас, қыздардың кеш тұрмыс құруы, өзге ұлтпен отау құру және.т.б. Кейін бүкіл сұмдық қайдан демеңіздер. Бүкіл сұмдық надан еркектерден!
#Араша_Айнагүл