Жақында ғана 44 жасқа толған Тайвань актрисасы Алисса Чиа өзінің неліктен жас көрінетінін айтты. Ол өзінің кеңестерімен Daily Mail басылымында бөлісті деп жазады Lenta сайтына сілтеме жасаған NUR.KZ.
Чиа туған күнін 35 жастағы күйеуімен және 13, үш және бір жастағы үш қызымен тойлаған.
"Туған күн-барлық әйелдердің жақсы көретін әрі жек көретін күні", - деп жазды актриса Weibo парақшасында.
Алиссаның әлі күнге дейін жас екеніне таң қалған желі қолданушылары оның жасы 44-те емес, 18- де сияқты екенін айтқан.
Актрисаның айтуынша, оның жас көрінуіне спиртті ішімдіктер мен түнде тамақтануды қойғаны әсер еткен.
Чиа майлы әрі ащы тағамдарды жемеуге тырысатынын, ұялы телефонын ұйықтар алдында екі сағат бұрын өшіріп қоятынын айтқан.
Сондай-ақ, ару аптасына кем дегенде екі рет спортпен айналысып, жылы су ішетінін жеткізген.
"Ең бастысы, өзіңізге уақыт бөле алу. Бетіңізге массаж жасауды немесе уақытында демалуды ұмытпаңыз", - деді ол.
Чиа Қытай мен Оңтүстік-шығыс Азияда өте танымал. 16 жасынан бастап ол жарнамалық роликтер мен Тайвань, Қытай сериалдарына түскен. Одан бөлек, актриса ән айтып, телебағдарламалар жүргізеді.