Тірлігі таудай, бір сөзді, уәдеге берік азаматтар қайдасыздар?
Сауран құрылыс базарының іші үлкен. Кейде сатып алатын материалың ауыр болған соң, көлікпен кіруге тұра келеді. Саудамды жасап қақпаға қарай бет бұрғаным сол еді шығар жақта жолды бөгеп рөлі оң жағынан орналасқан, жылы ескі ме, әлде темір тұлпарды сонша тоздырып жіберген бе бір көлік тұр. Тормозға басып тоқтауыма тура келді. Көлік жанында бес жігітке көзім түсті. Құлағымды амалсыз әңгімелеріне түрдім. Сөз ауанын түсінбедім, бар ұққаным бір бірімен ұрысып тұр. Кәдімгі қазақша айтқанда қатынша салғыласқан бес қазақтың азаматы. Біреуі сондайсың десе, екіншісі өзің сондайсың дейді. Аздап қысқа дабылмен бепілдеттім де жігіттер көлік кімдікі, алсаңдаршы жолдан десем, мені де бір боқтады. Көлік иесі ілмиген инеліктей шикісары, жас шамасы менің ұлымдай ғана болатын қазақ жігіті сөзімді құлаққа қыстырар емес, маған бір қарады да кідіңдеп ана жігіттерді үркітіп тұр. Сөзбен!! көзіме кекселенген, ішіне ас жұқпайтын, жүрген жеріне шөп шықпайтын, көкбет қатын елестеді. Өзгелері де шақылдап оған жауап беріп қайтар емес. Сөйтіп бес бетпақ жігіт жолымнан он минутқа қалдырғанымен қоймай мені боқтап, өздері боқтасып айыздары қанып, сызданып көлікке енді отырып, орнынан жылжи бергенде бір көлік арт жағыма тоқтады. Жыным ұстап тұрса да әйел екенім есімнен шықпады. Әйтпесе, мұрындарын бет қылар ем шәуілдескен иттердің. Тіреліп тұрған кептелісті көре тұра ана машина соңыма кеп тұр. Ол да қазақ!! Енді ана жолды ашу үшін бірінші көлік алға беріп мен артқа жылжуым керек. Артымда тұрған көліктің иесі қозғалар емес. Ол аздай кіжініп боқтап тұр. Кімді?? Неге? топастың ісі екені миғұла басына кірер емес. Өзінің сорлылығын көрсетіп боқтап тұр. Жаңағы жігіттердің орнында болсам көліктен түсіп еркекше айтқанда маңдайын ұрып таңдайын түсіріп шаруамды тындырар ем. Не еркекше үндемей ғана жұмған ауызды ашпай кетер ем.. шәңкілдек жігіттермен шақылдақ өсекші азаматтардан қарын ашып, ашынып қайттым... Айтатындары өсек, аңдығаны қатын, әңгімелері ұсақ, тірлігінің түрі анау...
Біздің елдің жігіттері әбден біткен екен ғой. Жайымды ұғар ел қайда, қайғымды ұғар ер қайда деп жоқтайтындай екен ғой? Тірлігі таудай, бір сөзді, уәдеге берік азаматтар қайдасыздар?
facebook.com
