Сұхбат алуға келген журналистерді марқұм үнемі осы ағаштың түбінде қабылдайтын. Өзім ол кісімен бертінде, жеті-сегіз жыл бұрын ғана жақын таныстым. "Мамбет" деген сөздің енді-енді шыға бастаған кезі болатын. Келімсектерді былай қойып, қазақтар да бірін-бірі дәл осылай кемсітуге көшкен. Сөз арасында осы туралы ойын сұрадым. Герағаңның сонда былай дегені есімде қалыпты: "Мен өзім де мәмбетпін ғой. Ауылдан шыққан қазақпын. Осындай адамдар менің жаныма жақын. Негізі, қазақтың шала-қазақтарды сыртқа тепкені жақсы нәрсе емес. Осы шала-еврей дегенді естімейміз ғой. Еврейсің бе, бітті. Олар өзінің бірлігімен мақтанады. Бізге де сондай болу керек. Қазақтар бөлінсе, оның соңы сан соқтыратын үлкен трагедияға алып келуі мүмкін"...
Жолымбет Мәкіш
Facebook-тегі парақшасынан