Әдеби-көркем кітап оқитын адамның іскерлік қабілеті мен табысы өзгелермен салыстырғанда анағұрлы артық болады екен. Жан-жақты білім мен ойлай білу мүмкіндік – адам баласы үшін зор күш-қуат болса керек. Әлемдегі 200-ге жуық миллиардердің өмірін 5 жыл бойы зерттеген ғалымдар тобы олардың 86 пайызы үнемі кітап оқитынын, 63 пайызы азанда үйінен шыға сала жұмысына жеткенше аудио кітап тыңдайтынын анықтаған. Дүниежүзіне танымал қаржыгер Уоррен Баффет көп уақытын оқуға арнаса, Опра Уинфри, Жэк Ма, Элон Маск секілді байлар да одан қалыспайтын көрінеді. Марк Кубан, Ден Гилберт секілді миллиардерлер де күн сайын 1-3 сағат кітап оқуға дағдыланған. Билл Гейтс те апта сайын бір кітап оқуды өзіне міндеттеп қойған және жыл сайынғы 14 күндік кезекті демалысын тек әдеби кітап оқуға арнайды. Бенжамин Франклин де өте көп кітап оқитын адам болған. Оқыған кітаптары туралы өзгелермен ой бөлісуді өте ұнатқан. Оқу арқылы әр саланың стратегиясын, тактикасын білуге болады. Сондай-ақ, адамдармен тіл табысуы, ынтымақтасуы оңай әрі әдеби-көркем туынды оқырманын армандарға жетелеп, табысқа жеткізеді.
Қуандық Шамахайұлы
Фейсбуктегі парақшасынан