Арабтың "артықшылығы" немесе ұлттық идентификация
Адамзаттың бəрін сүй бауырым, - деп, Абай атамыз айтқандай, барлық ұлттарды жақсы көремін тіпті кереметтей құрметтеймін. Құдайға сенбейтін ПАПУАС болса да.
Бірақ, басқа ұлттар да ҚАЗАҚ деген ұлтқа құрметпен қарағанын қалар едім. Егемендік алғалы талай арабтар мен шейхтермен де кездесуге тура келді. Олардың Діл - дəстүрін біз қабылдап та жатырмыз, кейбір "бауыр-Ақилар" арабша сөйлеп те жатыр...
Байқағаным, арабтар өздерін жоғары санайды жəне соның айтқанымен жүргенді қалайды екен. ...Арабтар жылқы ЕТІН жемейді екен деп, соғым соймай, қымыз ішпей қою керек пе?!
Болмаса, басымызға орамал тартып, төбесіне түйенің тұсамысын қойып, Сарыарқаның сақылдаған сары аязында құлағымызды үсітіп ап, қайдағы жоқ қарғыс мақалды айтып жүрмесімізге кім кепіл?!
Қап-қара болып киініп алған қыздарымызды көргенде, баяғыда қаралы болып, аза тұтқан үй есіме түседі. Арабқа ғана емес адамзатқа түскен құран болса, діл (əдет-ғұрып, менталитет) мен діннің аражігін ашып беретін сараптамалық мақала қажет пе деген ой ғана еді, құрметті Достарым!
P.S.
Екібастұз қаласына кабель зауытын саламыз, - деп, Мысырдан келген үш араб та христиан болып шыққан еді. Ресторанда бірге отырғанда: - Неге шарап ішесіңдер, - деп, сұрағанда бірақ білдім...
Советқазы Нұрсила
Facebook-тегі парақшасынан
